Hafan | Cyfnod Darganfod | Alffa | Beta | Nodiadau wythnosol | Sioe Dangos a Dweud | Safonau Gwasanaeth Digidol Cymru
<aside> 🏴 Read in English
</aside>
<aside> 🔶 Mae darganfod yn ymwneud â deall problem cyn ceisio ei datrys. Mae'n cynnwys dysgu am eich defnyddwyr a'r hyn y maent am ei wneud, pa gyfyngiadau y gallech fod yn eu hwynebu a'r cyfleoedd i wella sut mae pethau'n gweithio.
</aside>
Yn ystod mis Hydref, fe wnaethom greu papur sylfaen, a oedd yn cynnwys ein datganiad problem, cwmpas lefel uchel, rhai defnyddwyr allweddol a meysydd i ymchwilio iddynt, a thîm prosiect y cytunwyd arno. Penderfynwyd y byddem yn gweithio gyda chyflenwr technegol, i helpu gydag unrhyw waith technegol, a hefyd i ddarparu rhywfaint o adnoddau i helpu gydag ymchwil defnyddwyr. Buom yn gweithio trwy ein proses gaffael i sicrhau bod y cyflenwr a ddewiswyd yn addas ar gyfer CDPS…
Fe wnaethom hefyd ddechrau dilysu ein datganiad problem (mae ein defnyddwyr yn gweld gwefan y CDPS yn anodd ei defnyddio, a gellid gwneud gwelliannau iddi). I wneud hyn rydym wedi creu arolwg Microsoft Forms syml. Mae ein canlyniadau cynnar yn dangos bod ein defnyddwyr yn mynd yn rhwystredig nad oes gennym unrhyw swyddogaeth chwilio a hefyd ein diffyg tagiau ar ein tudalennau a'n cofnodau blog. Bydd canlyniadau llawn yn dilyn yn fuan. Fe wnaethom hefyd ddechrau ymchwilio i anghenion ein defnyddwyr mewnol.
Fe wnaethom hefyd adeiladu ein bwrdd Trello i ganiatáu i ni storio ein hymchwil mewn un lle (ac ystwytho ein sgiliau artistig 🤣):
Ar ddiwedd mis Hydref cawsom ein sesiwn “gynefino” gyntaf gyda Hoffi, roedd hwn yn weithdy rhyngweithiol a gynhaliwyd ar Miro lle gwnaethom nodi pa fath o gynnwys y mae CDPS yn ei wneud, beth yw ein cryfderau a’n gwendidau, beth mae’r wefan bresennol yn ei wneud yn dda yn ein barn ni, beth allai wella, a phwy rydyn ni'n meddwl yw ein defnyddwyr. Fe helpodd ni fel tîm i sylweddoli gyda phwy y mae angen i ni siarad mwy (ein defnyddwyr allanol), a sut y gallem eu cyrraedd.
